Month: April 2021

இலங்கை மத்திய வங்கியின் 71ஆவது வருடாந்த அறிக்கை, மத்திய வங்கியின் ஆளுநர் பேராசிரியர் திரு.டப்ளிவ்.டீ.லக்ஷ்மன் அவர்களினால் இன்று (30) அலரி மாளிகையில் வைத்து கௌரவ பிரதமர் மஹிந்த ராஜபக்ஷ அவர்களிடம் வழங்கிவைக்கப்பட்டது. நாணய விதிச் சட்டத்திற்கமைய மத்திய வங்கியின் வருடாந்த அறிக்கை, ஆண்டுதோறும் ஏப்ரல் 30ஆம் திகதி அல்லது அதற்கு முன்னதாக நிதி அமைச்சருக்கு வழங்கி வைக்கப்பட வேண்டும். அதற்கமைய மத்திய வங்கியின் வருடாந்த அறிக்கை, நிதியமைச்சரும் கௌரவ பிரதமருமான மஹிந்த ராஜபக்ஷ அவர்களிடம் இன்று வழங்கி வைக்கப்பட்டது. 2020ஆம் ஆண்டில் இலங்கை பல்வேறு சவால்களுக்கு மத்தியில் பெற்றுக் கொண்ட பொருளாதார முன்னேற்றம் மற்றும் எதிர்காலத்தில் அரச கொள்கை கட்டமைப்பிற்குள் இலங்கை பொருளாதாரத்தின் போக்கு குறித்த கணிப்பும் இவ்வறிக்கையில் உள்ளடக்கப்பட்டுள்ளது. குறித்த நிகழ்வில் கௌரவ அமைச்சர் ஜோன்ஸ்டன் பெர்னாண்டோ, பிரதமரின் செயலாளர் திரு.காமினி செனரத், பிரதமர் அலுவலக…

COVID-19 வைரஸ் தொற்று காரணமாக நகரங்களுக்கு இடையிலான மற்றும் தூர பிரதேசங்களுக்கான சில ரயில் சேவைகள் எதிர்வரும் முதலாம் திகதி முதல் இரத்து செய்யப்படுமென ரயில்வே திணைக்களம் அறிவித்துள்ளது. எதிர்வரும் முதலாம் திகதி தொடக்கம் 3 ஆம் திகதி வரை மூன்று கட்டங்களாக ரயில் சேவைகள் இரத்து செய்யப்படுமென திணைக்களம் விடுத்துள்ள அறிக்கையில் குறிப்பிடப்பட்டுள்ளது. கொழும்பு கோட்டையிலிருந்து பதுளை, கண்டி, காங்கேசன்துறை, பொலன்னறுவை, பெலிஅத்த ஆகிய பகுதிகளுக்கு முன்னெடுக்கப்படும் ரயில் சேவைகள் இரத்து செய்யப்படவுள்ளன. தூர பிரதேச ரயில் சேவைக்கான ஆசன ஒதுக்கீட்டு முன்பதிவு மிகவும் குறைந்த அளவில் இடம்பெறுவதை கருத்திற்கொண்டே இந்த நடவடிக்கை எடுக்கப்பட்டுள்ளதாக ரயில்வே திணைக்களம் விடுத்துள்ள அறிக்கையில் சுட்டிக்காட்டப்பட்டுள்ளது.

கொரோனா வைரஸ் தொற்றால் மேலும் ஆறு பேர் உயிரிழந்துள்ளனர் என்பதை சுகாதார சேவைகள் பணிப்பாளர் நாயகம் இன்று உறுதிப்படுத்தியுள்ளார். ஐந்து பெண்களும், ஆணொருவருமே இவ்வாறு உயிரிழந்துள்ளனர். இதன்படி கொரோனாவால் உயிரிழந்தவர்களின் எண்ணிக்கை 667 ஆக அதிகரித்துள்ளது. பொரலஸ்கமுவ, கண்டி, நாலவப்பிட்டிய, வெலிமடை, வத்தளை மற்றும் களுத்துறை வடக்கு ஆகிய பகுதிகளைச் சேர்ந்தவர்களே உயிரிழந்தவர்களாவர். அவர்கள் விபரம் வருமாறு,

நாட்டிலுள்ள பாடசாலைகளை மீள எப்போது திறப்பது என்பது தொடர்பில் எதிர்வரும் ஞாயிற்றுக்கிழமை (02.04.2021) உறுதியான முடிவெடுக்கப்படும் என்று கல்வி அமைச்சர் பேராசிரியர் ஜி.எல். பீரிஸ் தெரிவித்தார். கொழும்பில் நடைபெற்ற ஊடகவியலாளர் சந்திப்பில் கலந்துகொண்டு கருத்து வெளியிடுகையிலேயே அவர் இவ்வாறு கூறினார். இது தொடர்பில் அவர் மேலும் கூறியவை வருமாறு, ” மாணவர்களுக்கு தங்குதடையின்றி கல்வி வழங்கப்படவேண்டும் என்பதே அரசின் நிலைப்பாடாகும். அதேபோல மாணவர்களின் சுகாதார பாதுகாப்புக்கும் முன்னுரிமை வழங்கப்படும். அந்தவகையில்தான் 30 ஆம் திகதிவரை நாட்டிலுள்ள அனைத்து பாடசாலைகள், முன்பள்ளிகள் மற்றும் பிரிவனாக்களில் கல்வி நடவடிக்கைகளை மேற்கொள்ளாதிருக்க தீர்மானிக்கப்பட்டுள்ளது. சுகாதார நிலைமை நாளாந்தம் மீளாய்வு செய்யப்படுகின்றது. நாட்டில் மாகாண கல்விப்பணிப்பாளர்கள் 9 பேர் இருக்கின்றனர். 100 வலய கல்விப்பணிப்பாளர்கள் இருக்கின்றனர். அவர்களிடமும் கருத்துகள் பெறப்படுகின்றன. சுகாதார சேவைகள் பணிப்பாளர் நாயகம் உட்பட சுகாதார தரப்பினரிடமும் ஆலோசனைகள் பெறப்படும்.…

மாத்தளை, குருணாகல், மொனராகலை ஆகிய மாவட்டங்களில் மேலும் சில பகுதிகள் உடன் அமுலுக்கு வரும் வகையில் தனிமைப்படுத்தப்பட்டுள்ளன என்று இராணுவ தளபதி சவேந்திர சில்வா தெரிவித்தார். இதன்படி மாத்தளை மாவட்டத்தில், தம்புள்ளை, கலெவேல, மாத்தளை, நாவுல பொலிஸ் பிரிவுகள் உடன் அமுலுக்கு வரும் வகையில் தனிமைப்படுத்தப்பட்டுள்ளன. குருணாகல் மாவட்டத்தில் பன்னல பொலிஸ் பிரிவு மற்றும் உடுபத்தாவ, கல்லமுன ஆகிய கிராம சேவகர் பிரிவுகள் என்பன உடன் அமுலாகும் வகையில் தனிமைப்படுத்தப்பட்டுள்ளன. அத்துடன் மொனராகலை மாவட்டத்தில் எலமுல்ல கிராம சேவகர் பிரிவும் தனிமைப்படுத்தப்பட்டுள்ளன.

திருகோணமலை மாவட்டத்தில் பினவரும் சில கிராம உத்தியோகத்தர் பிரிவுகள் இன்று (29) காலை 7.00 மணி தொடக்கம் தனிமைப்படுத்தப்பட்டிருப்பதாக கொவிட் 19 தொற்று பரவலை தடுக்கும் தேசிய செயற்பாட்டு மத்திய நிலையத்தின் பிரதானியும் இராணுவ தளபதியுமான ஜெனரல் சவேந்திர சில்வா அறிவித்துள்ளார். திருகோணமலை மாவட்டம் உப்புவெளி பொலிஸ் எல்லைப்பகுதிசுமேதங்கபுர உத்தியோகத்தர் பிரிவு திருகோணமலை பொலிஸ் எல்லைப்பகுதிமூடோவி Moodovi GN Division கிராம உத்தியோகத்தர் பிரிவுகோவிலடி கிராம உத்தியோகத்தர் பிரிவுலிங்கா நகர் கிராம உத்தியோகத்தர் பிரிவு சீன துறை முக பொலிஸ் எல்லைப்பகுதி காவட்டிகுடா கிராம உத்தியோகத்தர் பிரிவுசீன துறைமுக கிராம உத்தியோகத்தர் பிரிவு