Month: July 2021

இரணைமடு, கல்மடு, விசுவமடு, உடையார்கட்டு போன்ற குளங்களில் இருந்து வழிந்தோடி விரயமாகின்ற நீரை பயன்படுத்தி, யாழ். மாவட்டத்திற்கான நன்னீரை பெற்றுக் கொள்ளும் திட்டத்தினை செயற்படுத்துவது தொடர்பாக சம்மந்தப்பட்ட தரப்புக்களுடன் கடற்றொழில் அமைச்சர் டக்ளஸ் தேவானந்தா கலந்துரையாடினார். கிளிநொச்சி மாவட்ட செயலகத்தில் இது தொடர்பான கலந்துரையாடல் நேற்று (13) நடைபெற்றது. யாழ்ப்பாணக் குடாநாட்டிற்கு நன்னீரை கொண்டு செல்லும் திட்டம் தொடர்பாக 1962 ஆம் ஆண்டு காலப் பகுதியில் ஆறுமுகம் திட்டம் பிரஸ்தாபிக்கப்பட்ட போதிலும், ஆனையிறவு கடல் நீரேரியில் பருவ கால மீன்பிடித தொழிலில் ஈடுபடுவோரின் எதிர்ப்பின் காரணமாக கைவிடப்பட்டடிருந்தது. இந்நிலையில், குறித்த திட்டத்தில் மாற்றங்களை ஏற்படுத்தி ஆனையிறவு கடல் நீரேரியில் 23 வீதமான பகுதியை மறித்து அணை அமைத்து, திட்டத்தினை முன்னெடுப்பது தொடர்பாக தற்போதைய அரசாங்கத்தினால் பிரஸ்தாபிக்கப்பட்டு வருகின்றது. இந்நிலையில், பிரதேச மக்கள் மற்றும் சம்மந்தப்பட்ட தரப்புக்களுக்கு, புதிய…

கிளிநொச்சி புன்னை நீராவி பகுதியில் விவசாய உற்பத்தி பொருட்களை களஞ்சியப்படுத்துவதற்கான களஞ்சியசாலை அமைக்கப்படவுள்ளது. 5.3 மில்லியன் ரூபா செலவில் அமைக்கப்படவுள்ள களஞ்சியசாலைக்கான அடிக்கல்லை கடற்றொழில் அமைச்சர் டக்ளஸ் தேவானந்தா நாட்டினார். கமத்தொழில் அமைச்சினால் மாகாண விவசாய திணைக்களத்தின் ஊடாக கொவிட்-19 அவசர நிலைமைகளின் கீழ் உலக வங்கியின் நிதி உதவியுடன் விவசாயிகளுக்கான களஞ்சிய வசதிகளை கட்டமைக்கும் செயற்திட்டத்தின் கீழ் அடிக்கல் நாட்டும் நிகழ்வு நேற்று (14-07-2021) புன்னைநீராவி கிராமத்தில் நடைபெற்றுள்ளது. இதில் 50 மெற்றிக் தொன் உற்பத்திப் பொருட்களை களஞ்சியப்படுத்தக் கூடிய வசதியில் அமையவுள்ளமை குறிப்பிடத்தக்கது.

முதன் முறையாக இலங்கைக்கு எடுத்துவரப்பட்ட 26000 பைசர் தடுப்பூசிகளில் மீதம் உள்ளவற்றை மன்னார் பகுதியில் உள்ள மீனவர்களுக்கு வழங்க உள்ளதாக இராணுவ தளபதி ஜெனரல் ஷவேந்திர சில்வா தெரிவித்துள்ளார். இன்று (09) காலை தெரண அருண நிகழ்ச்சியில் கலந்துகொண்டு கருத்து தெரிவிக்கும் போதே அவர் இவ்வாறு தெரிவித்துள்ளார். கொவிட் தடுப்பு செயலணியில் பதிவு செய்யப்பட்டுள்ள வௌிநாடுகளில் கல்வி கற்கும் 1,130 மாணவர்களுக்கு நேற்றைய தினம் பைசர் தடுப்பூசி செலுத்தப்பட்டதாகவும் அவர் தெரிவித்துள்ளார். அவர்களும் ஏனைய மாணவர்களுக்கு இன்று மற்றும் நாளை பைசர் தடுப்பூசி வழங்கப்படவுள்ளதாகவும் அவர் தெரிவித்துள்ளார்.

இம்முறை கல்வி பொது தராதர உயர்தர பரீட்சை எதிர்வரும் ஒக்டோபர் மாதம் 04 ஆம் திகதி தொடக்கம் ஒக்டோபர் மாதம் 31 ஆம் திகதி வரையில் நடைபெறவுள்ளது. இதேவேளை, 2021 ஆம் ஆண்டுக்கான தரம் 5 புலமைப்பரிசில் பரீட்சை எதிர்வரும் ஒக்டோபர் மாதம் 03 ஆம் திகதி நடைபெறவுள்ளதாகவும் கல்வி அமைச்சின் செயலாளர் குறிப்பிட்டார்.

செப்டெம்பர் மாதத்துக்கு முன்னர் நாட்டின் சனத்தொகையில் அதிக சதவீதமானோருக்குத் தடுப்பூசி வழங்க ஜனாதிபதியின் விரிவான திட்டம்… இவ்வாண்டு செப்டெம்பர் மாதத்துக்கு முன்னர், நாட்டின் மொத்தச் சனத்தொகையில் பெருமளவானோருக்குக் கொவிட் தடுப்பூசி வழங்குவதற்கான விரிவான திட்டத்தை, ஜனாதிபதி கோட்டாபய ராஜபக்ஷ அவர்கள் முன்வைத்துள்ளார். கொவிட் பரவும் ஆபத்து அடையாளம் காணப்பட்டுள்ள மாவட்டங்களுக்கு முன்னுரிமை அளித்து, ஜூலை மாதத்துக்குள் கிடைக்கும் தடுப்பூசிகளை அம்மக்களுக்கு வழங்கத் திட்டமிடப்பட்டுள்ளது. அந்த வகையில், ஜூலை 11ஆம் திகதி கிடைக்கவிருக்கும் 2 மில்லியன் சைனோஃபார்ம் தடுப்பூசிகளை, கொழும்பு மாவட்டத்துக்கு 2 இலட்சம், கம்பஹாவுக்கு 5 இலட்சம், களுத்துறைக்கு 5 இலட்சம் என்ற அடிப்படையில் ஒதுக்கீடு செய்து, இம்மாதம் 30ஆம் திகதிக்கு முன்னர், மேல் மாகாணத்தில் உள்ள 30 வயதுக்கு மேற்பட்ட அனைவருக்கும் தடுப்பூசி வழங்கி முடிக்கப்பட வேண்டும் என்று, ஜனாதிபதி அவர்கள் தெரிவித்தார். தடுப்பூசி ஏற்றுதல்…

அமெரிக்க தயாரிப்பான 26910 (pfizer) பைசர் கொரோனா தடுப்பூசி மருந்துகள் ஒரு தொகுதி இன்று இலங்கைக்கு கொண்டுவரப்பட்டுள்ளது. இன்று அதிகாலை 3.30 மணியளவில் கட்டுநாயக்க சர்வதேச விமான நிலையத்திற்கு கொண்டுவரப்பட்ட இவை அரச மருந்தக கூட்டுத்தாபனத்திடம் ஒப்படைக்கப்பட்டுள்ளன. அமெரிக்காவிடமிருந்து இந்தத் தடுப்பூசியைப் கொள்வனவு செய்த முதலாவது தெற்காசிய நாடு இலங்கை ஆகும். இது ஒரு நன்கொடை அல்ல. கடந்த 6 மாதங்களாக அரச மருந்தக கூட்டுத்தாபன அதிகாரிகள் – தொடர்ச்சியான பேச்சுவார்த்தைகளை மேற்கொண்டு – எடுத்த கடினமான முயற்சிகளின் பயனாக இந்த தடுப்பூசி மருந்துகளை கொள்வனவு செய்ய முடிந்துள்ளது. உலக வங்கி ஊடாக இதற்கான விலைத் தொகை செலுத்தப்பட்டுள்ளது. இவ்வாறாக – மொத்தம் 60 இலட்சம் தடுப்பூசிகளுக்கான விலைத் தொகையைத் தமக்கு ஊடாகச் செலுத்த உலக வங்கி இணங்கியுள்ளது. மத்திய இரத்த வங்கி பணியாளர்கள் – இந்த…