Day: January 14, 2022

பொரளை  ‘ஓல் செயின்ட்ஸ்’ தேவாலய வளாகத்தில் கைக்குண்டு கண்டுபிடிக்கப்பட்ட சம்பவம் தொடர்பில் கொழும்பு குற்றத்தடுப்பு பிரிவினர் இதுவரை 14 பேரிடம் வாக்குமூலம் பதிவு செய்துள்ளதாக பொலிஸ்மா அதிபர் தெரிவித்துள்ளார்.

2024ஆம் ஆண்டு முதல் நாட்டில் அபிவிருத்தி நடவடிக்கைகளுக்குத் தேவையான மணலை இறக்குமதி செய்ய அரசாங்கம் திட்டமிட்டுள்ளது. துறைமுக நகர அபிவிருத்தி நடவடிக்கைகளுக்காக நாட்டிலுள்ள ஆறுகளிலிருந்து மணலை வழங்க முடியாது என சுற்றாடல் அமைச்சர் மஹிந்த அமரவீர தெரிவித்துள்ளார். 2021-25 ஆம் ஆண்டுக்கான இலங்கையின் மணல் தேவை 57 மில்லியன் கன மீற்றராக மதிப்பிடப்பட்டுள்ளது, ஆனால் நாட்டில் 42 மில்லியன் கனமீற்றரே உள்ளது. ஆறுகளில் மணல் எடுப்பது நிறுத்தப்பட்டு வருவதாகவும், கிழக்கு மாகாணம் மற்றும் பொலன்னறுவையில் இருந்து மணல் எடுப்பதும் படிப்படியாக நிறுத்தப்பட்டு வருவதாகவும் அமைச்சர் மஹிந்த அமரவீர தெரிவித்தார். கடலில் ஆழமாக தோண்டுவதற்கு திட்டமிடப்பட்டாலும், மீனவ மக்களின் எதிர்ப்புக் காரணமாக மணல் இறக்குமதி செய்வதில் கவனம் செலுத்தப்பட்டுள்ளதாக அவர் மேலும் தெரிவித்தார்.

தனியார் தரப்பினரால் இறக்குமதி செய்யப்பட்ட 500 அரிசி கொள்கலன்கள் நேற்று (13) கொழும்பு துறைமுகத்தை வந்தடைந்துள்ளதாக வர்த்தக அமைச்சர் பந்துல குணவர்தன தெரிவித்துள்ளார். வரி நிவாரணத்திற்கு அமைய இறக்குமதி செய்யப்பட்டுள்ள இந்த அரிசி தொகையைச் சந்தைக்கு விநியோகித்த பின்னர் அரிசியின் விலை குறைவடையும் எனவும் அவர் குறிப்பிட்டுள்ளார். தற்போது அரிசி மோசடி இடம்பெறுவதாகவும் சுட்டிக்காட்டிய அவர் செயற்கை விலை உயர்வைத் தடுப்பதற்கு நடவடிக்கை எடுக்கப்படுவதாக தெரிவித்துள்ளார். அத்துடன் சதொச விற்பனை நிலையங்களில் ஒரு கிலோகிராம் நாட்டரிசி 105 ரூபாவுக்கு அதிகமாக விற்பனை செய்யப்பட மாட்டாது என தாம் வாக்குறுதி வழங்குவதாகவும் வர்த்தக அமைச்சர் பந்துல குணவர்ன தெரிவித்துள்ளார். சம்பா ஒரு கிலோகிராம் 130 ரூபாவுக்கு அதிகரிக்கப்படமாட்டாது எனவும் அவர் தெரிவித்தார். இவ்வாறு சதொச ஊடாக குறைந்த விலையில் அரிசி விநியோகிக்கப்படும் என அமைச்சர் பந்துல குணவர்தன அறிவித்துள்ள…

தேசிய கல்விக் கல்லூரிகள் நாளை 15ஆம் திகதி ஆரம்பமாகும் என கல்வி அமைச்சு அறிவித்துள்ளது. 15ஆம் தேதி ஆரம்பிக்கப்பட்டு 18ஆம் தேதி கல்வி நடவடிக்கைகள் ஆரம்பிப்பதற்கு திட்டமிடப்பட்டுள்ளது. எனினும் மாணவர்கள் தமது கற்றலை ஆரம்பிப்பதற்கு பல்வேறு பிரச்சினைகளை எதிர்நோக்குவதாக தெரிவிக்கப்பட்டுள்ளது. கொரோனா காலங்களில் இடைத்தங்கல் முகாமாக அனைத்து தேசிய கல்வியியல் கல்லூரிகளும் சுகாதார அமைச்சின் வழிகாட்டலின் கீழ் பயன்படுத்தப்பட்டன. திடீரென அறிவிக்கப்பட்ட விடுமுறை காரணமாக மாணவர்கள் தமது உடைமைகள், உடைகள் புத்தகங்கள் மற்றும் தனிப்பட்ட பாவனைப் பொருட்கள் என அனைத்தையும் விட்டுவிட்டு வீடுகளுக்கு சென்றனர். தற்போது அனைத்து விடுதிகளும் மீளவும் கல்லூரி நிர்வாகத்திடம் வழங்கப்பட்டுள்ளன. ஆனால் மாணவர்களின் அனைத்து ஆடைகளும், புத்தகங்களும், தனிப்பட்ட பயன்படுத்தல் சாதனங்களும் சேதப்படுத்தப்பட்டுள்ளன. அல்லது அவற்றில் பயன்படுத்த முடியாத அளவில் அவை சேதப்படுத்தப்பட்டன. எனவே, புதிதாக கல்லூரி கற்றல் நடவடிக்கைகளை ஆரம்பிப்பதற்கு ஏற்பாடுகள்…